2016-12-19 发布者：努尔沙纳提·蔡拉木别克 浏览数( -)
جاندى جەتەكشى ،ءونىمدى ۇيرەنۋ
مەن وسى رەتكى وقىتۋشىلاردىڭ مەملەكەت جوسپارىمەن تاربيەلەنۋ كۋرسىسىنا قاتىناسقانىما ەرەكشە قۋانىشتامىن . بۇل رەتكى وراي مەن ۇيرەنۋدى بۇدان كەيىنگى قىزمەتىمدەگى ۇلكەن وزگەرىس دەپ قارايمىن . سولايدا ەڭ اۋەلى وسى ۇيرەنۋ بارىسىندا وزدەرىنىڭ التىن ۋاقىتتارىن قيىپ بىزگە جەتەكشىلىك ەتكەن ءارى قۇندى تاجريبەلەرىن ورتاعا سالىپ، ۇيرەنۋىمىزگە جاندى جەتەكشىلىك ىستەگەن بارلىق ۇستازدار مەن ماماندارعا وسكەلەڭ قۇرمەت بىلدىرەمىن . بۇل رەتكى ۇيرەنۋدىڭ قۇنى مىنا ءبىرقانشا جاقتاردان ايگىلەنىپ ، جاندى جەتەكشىلىك ،ءونىمدى ۇيرەنۋ بولدى دەپ ويلايمىن.
بىرىنشىدەن ، وسى رەتكى ۇيرەنۋ بارىسىندا بىزگە جەتەكشىلىك ەتكەن ۇستازدارمەن مامانداردىڭ بارلىعى وقىتۋدىڭ الدىنعى شەبىندە ەڭبەك سىڭىرگەن ءارى كوپ رەتكى ساباق جارىستارىنا قاتىناسىپ مول تاجريبە توپتاعان تاجريبەلى ۇستازدار ەكەن . سولايدا بارلىعى نازاريادان القىپ شىعىپ، امالياتتىق ماسەلەلەردى كوبىرەك ورتاعا سالىپ ۇيرەنۋگە جاندى جەتەكشىلىك ەتە ءبىلدى . سونىمەن بىرگە ورتاق تالقى كوبىرەك ۇيىستىرىلدى. <<كوپ تۇكىرسە ،كول بولادى >> دەمەكشى كوپتىڭ تاجريبەسىن ەركىن ورتاعا سالىپ ،جەر –جەردەگى وقىتۋشىلاردىڭ وقىتۋىنداعى ەرەكشەلىگىن ءوزارا ۇيرەنۋىمىزگە سونىمەن بىرگە وقىتۋدا ساقتالعان كەيبىر ماسەلەلەردى ورتاعا قويىپ، ورتاق ءبىرجايلى ەتۋىمىزگە جاقىننان جاردەمشى بولدى.
ەكىنشىدەن ، وسى رەتكى ۇيرەنۋ ءبىز ءۇشىن ەڭ ءونىمدى ۇيرەنۋ بولدى دەپ سەزىندىم. سەبەبى ،بۇل رەتكى ۇيرەنۋدە بىزگە ەرەكشە قاتىستى بولعان كوپتەن بەرى كوڭىلىمىزدە جۇرگەن تۇيىنشەكتەر شەشىلدى. ماسەلەن، ساباق جوباسىن قالاي جازۋ ، ساباق بايىمداۋدى قالاي الىپ بارۋ تاپسىرمانى قالاي جەتەكشىلىك ەتۋ، وقۋلىققا تالداۋدى قالاي جازۋ سىندى وقىتۋدىڭ ەڭ ماڭىزدى بۋىندارىنا ناقتىلى مىسالدار كورسەتىلىپ، ورتاق بىركەلكى جۇيەلى جازۋىمىزعا نۇسقاۋ كورسەتىلدى. سونىمەن بىرگە ساباققا باستاپ كىرۋ سىندى ساباقحانا وقىتۋىنداعى اسا ماڭىزدى ءبىر بۋىنعا جۇيەلى تالداۋ جاسالىپ ساباققا باستاپ كىرۋدى ساباق الدىنداعى پىسىقتاۋمەن شاتاستىراتىن اعاتتىق ايقىن ورتاعا سالىنىپ ، ساباققا باستاپ كىرۋدىڭ تۇتاس جاڭا ساباققا باستاپ كىرۋدەگى جاڭا ساباقتى ءساتتى الىپ بارۋداعى ماڭىزدىلىعى كورنەكتىلەندى. ساباققا باستاپ كىرۋدىڭ ءسوزسسىز جاڭا ساباقپەن بايلانىسىپ جاتاتىندىعى ناقتىلى مىسال ارقىلى كورسەتىلدى.
بارلىق انا ءتىلى وقىتۋشىلارىنا قيىن سەزىلەتىن ماقالا وقىتۋ جانە ماقالانى تەكسەرۋ جونىندە ورتاق تاجيربە توپتادىق . ماقالا جازدىرۋدا كوبىنەسە تاقىرىپتى وقۋشىلاردىڭ وزدەرىنە تالداتۋدىڭ ماڭىزدىلىعىن، ماقالا تاپسىرماسىن تەكسەرۋدە بىرەر ءسوزدىڭ، بىرەر سويلەمنىڭ كوركەمدىگىنە بولا وقۋشىنى ماداقتاۋ وقۋشىلاردىڭ ماقالا جازۋ قىزعىندىلىعىن ارتتىرۋدىڭ ماڭىزدى جولى ەكەنىن ايقىن تانىدىق.
ءۇشىنشى، مەكتەپ ساباعى جونىندەگى ءبىر قادام ىلگەرلەگەن تۇسىنككە يە بولدىق. انا ءتىلى ساباعىمەن بىرلەستىرىپ مەكتەپ ساباعىن الىپ بارۋدىڭ مەكتەپ وقۋلىعىن قۇراستىرۋدىڭ ماڭىزدىلىعىن تەرەڭ تانىدىق. سونىمەن بىرگە مەكتەپ ساباعى ارقىلى كەيبىر ۇلتتىق ءتالىم-تاربيەمىزدى ،اسىل قاسيەتتەرىمىزدى ، ۇلتتىق قولونەرىمىزدى ،ادەبيەتىمىزدى جانداندىرۋدىڭ جولىن ۇيرەندىك ءارى مول ساباق قاينارىن اشۋدىڭ سەنىمىنە ، نەگىزىنە يە بولدىق.
ءتورتىنشى ، << قوس تىلدە >> وقىتۋ مەن انا ءتىلى وقىتۋدىڭ قاتىناسىن العاشقى قادامدا تانىپ، قوس تىلدە وقىتۋدىڭ انا ءتىلىمىزدى جويۋ دەيتىن قاتە كوزقاراستارىنان ارىلدىق .
قورىتىپ ايتقاندا ، وسى رەتكى ۇيرەنۋ ارقىلى انا ءتىلىمىزدىڭ بولاشاعىنا ،انا ءتىلى وقىتۋدىڭ الداعى جاعدايىنا جانىمىزدا جارقىن سەنىم قالىپتاستى ،بۇرىن –سوڭدى بولىپ كورمەگەن تاجريەبەلەرگە يە بولدىق ،وقىتۋ ءادىسىمىزدى وقىتۋدىڭ ءتۇرلى بۋىندارىن ورتاقتاستىرۋىمىزعا زور كومەگى ءتيىدى. سونىمەن بىرگە وقىتۋدىڭ الدىنعى شەبىندە ناقتىلى وقىتۋ بارىسىندا ساقتالعان ماسەلەلەردى شەشۋىمىزگە سەپتىگى ءتيدى. بۇل رەتكى ۇيرەنۋ بارلىعىمىزعا جاندى جەتەكشى ،ءونىمدى ۇيرەنۋ بولدى.